Sare Lehjey Tere Be Zaman Aik Ma
Es Bhary Shahir Main Raye gaan Main
In Urdu
سارے لہجے ترے بے زماں ایک میں
اس بھرے شہر میں رائیگاں ایک میں
وصل کے شہر کی روشنی ایک تو
ہجر کے دشت میں کارواں ایک میں
بجلیوں سے بھری بارشیں زور پر
اپنی بستی میں کچا مکاں ایک میں
حسرتوں سے اٹے آسماں کے تلے
جلتی بجھتی ہوئی کہکشاں ایک میں
مجھ کو فارغ دنوں کی امانت سمجھ
بھولی بسری ہوئی داستاں ایک میں
رونقیں شور میلے جھمیلے ترے
اپنی تنہائی کا رازداں ایک میں
ایک میں اپنی ہی زندگی کا بھرم
اپنی ہی موت پر نوحہ خواں ایک میں
اس طرف سنگ باری ہر اک بام سے
اس طرف آئنوں کی دکاں ایک میں
وہ نہیں ہے تو محسنؔ یہ مت سوچنا
اب بھٹکتا پھروں گا کہاں ایک میں
Sare Lehjey Tere Be Zaman Aik Ma
Es Bhare Shahir Main Raye gaan Main
Wasal Ke Shahir Ki Roshni Aik Tu
Hijar Ke Dasht Main Karwan Aik Main
Bijliyun Se Bhari Barshain Zoor Per
Apni Basti Main Kacha Makan Aik Main
Hasrtun Se Aty Asman Ke Taly
Jalti Bujhti Hoi Kehkshan Aik Main
Mujh Ko Farig Dinu Ki Amanat Samjh
Bholi Bisri Hoi Dastan Aik Main
Ronke Shoor Mele Jhumele Tere
Apni Tanhai Ka Razdan Aik Main
Aik Main Apni He Zindagi Ka Bharam
Apni He Maut Per Noha Khuan Aik Main
Es Taraf Sang Bari Har Ek Bam Se
Es Taraf Ainun Ki Dukan Aik Main
Wo Nahi Ha Tu Mohsin Ye Mat Sochna
Ab Bhatakta Phirun Ga Kahan Aik Main
Credit:Mohsin Naqvi